შინაგან საქმეთა სამინისტროს განცხადებით, ბოლო 24 საათში პირბადის წესის დარღვევისთვის 642 პირი დაჯარიმდა. ჯარიმის ოდენობა 20 ლარია.

უწყებაში ამბობენ, რომ ბოლო ერთი დღის განმავლობაში დაწესებული შეზღუდვების ფარგლებში მოქმედი რეგულაციების დარღვევის 735 შემთხვევა გამოვლინდა. 2 000 ლარით დაჯარიმდა 93 ფიზიკური პირი და მათ შორის არიან მოქალაქეები, რომლებმაც 21 საათიდან დილის 5 საათამდე დაწესებული გადაადგილების შეზღუდვის წესი დაარღვიეს.

12 დეკემბრის მონაცემებით, საქართველოში კორონავირუსის 3 907 ახალი შემთხვევა გამოვლინდა და გარდაიცვალა კიდევ 50 ადამიანი. ამასთან, გამოჯანმრთელდა, 3 780 პაციენტი.

პანდემიის დაწყების დღიდან საქართველოში კორონავირუსის 187 006 შემთხვევა დადასტურდა, ხოლო საერთო ჯამში, 1 744 ადამიანი გარდაიცვალა.