საქართველოს პრეზიდენტის, სალომე ზურაბიშვილის განცხადებით, ქვეყანა არ იყო მზად მოსამართლეების უვადოდ გამწესებისთვის. ამის შესახებ მან მაშინ განაცხადა, როცა მე-10 მოწვევის პარლამენტში პირველ სხდომაზე სიტყვით გამოსვლისას ინსტიტუტების დისკრედიტაციის მცდელობაზე საუბრობდა.

"სასამართლო, რომელიც სამართლებრივი სახელმწიფოს ქვაკუთხედია. მართალია, ჩვენი სასამართლო ჯერ ვერ აკმაყოფილებს ყველა სტანდარტს. მაგალითად, მიმაჩნია, რომ ჩვენი ქვეყანა უვადოდ მოსამართლეების გამწესებისთვის მზად ჯერ არ იყო და დღესაც ბევრი რამ დამაკმაყოფილებელი არ არის. ამავე დროს უნდა დავინახოთ განვლილი გზაც: რეფორმის ოთხი ეტაპი განხორციელდა. გაზრდილია მოქალქეების მიერ სახელმწიფოს წინააღმდეგ მოგებული დავების რაოდენობა. შესაბამისად, სტარსბურგის სასამართლოში შემცირებულია მიმართვიანობა. მიუხედავად სისტემაში არსებული ნაკლოვანებებისა და რეფორმის გაგრძელების აუცილებლობისა, არასწორია სასამართლოს მიზანმიმართული დისკრედიტაცია. ეს ხელს უწყობს საზოგადოებაში ნიჰილიზმის დამკვიდრებას", — განაცხადა პრეზიდენტმა.