საქართველოში ამერიკის შეერთებული შტატების ელჩის, კელი დეგნანის თქმით, ოგორც აშშ-ს სახელმწიფო მდივნის, მაიკ პომპეოს ვიზიტისას ითქვა, ისურვებდნენ, რომ დღეს პარლამენტის ყველა არჩეული წევრი დასწრებოდა პირველ სხდომას და არა ქუჩიდან, არამედ შიგნიდან ებრძოლათ იმ ცვლილებებისთვის, რაც მათ სურთ.

"პარტიის ლიდერებმა უკანასკნელი 6 კვირის განმავლობაში, ძალიან მნიშვნელოვანი სამუშაო გასწიეს და ეს მიმართული იყო საარჩევნო სისტემის გაუმჯობესებისა და იმ პრობლემების აღმოსაფხვრელად, რომელიც საქართველოს არჩევნებთან დაკავშირებით წარსულში ჰქონია. ეს მათ ერთად გააკეთეს, მიუხედავად დიდი განსხვავებებისა და სწორედ ეს ისაა, რისი ნახვაც გვსურს მომავალშიც", — განაცხადა მან.

დღე მეათე მოწვევის პარლამენტი ოფიციალურად დაიწყებს მუშაობას. უკვე რამდენიმე კვირაა, მმართველ პარტიასა და ოპოზიციას შორის მოლაპარაკებები მიმდინარეობს. მართალია, მხარეები დეტალებს არ ასაჯაროებენ, თუმცა ამბობენ, რომ გარკვეულ პუნქტებზე აზრების დაახლოება მოხერხდა. მიუხედავად ამისა, ოპოზიციისთვის "პრინციპული საკითხები", როგორიცაა რიგგარეშე არჩევნები და პოლიტპატიმრების გათავისუფლება, ქართული ოცნებისთვის კვლავ წითელ ხაზად რჩება.