უკრაინაში მყოფი ქართველ მოხალისეთა რაზმის ქართული ლეგიონის მეთაურმა მამუკა მამულაშვილმა რუსთავი 2-ის ეთერში, გადაცემა არჩევანში განაცხადა, რომ ისინი უკრაინის პროკურატურას დღესვე გადაუგზავნიან წერილს, რომ გია ცერცვაძე ნამდვილად იბრძოდა უკრაინის მხარეს, რუსეთის წინააღმდეგ.

მისივე განცხადებით, გენერალური პროკურორი მას დაჰპირდა, რომ დოკუმენტის მიღების შემდეგ, ცერცვაძე სასამართლო სხდომის შემდეგ გათავისუფლდებოდა:

"დღეს დილიდან რამდენჯერმე დავეკონტაქტე უკრაინის პროკურატურას. მათ უნდოდათ ერთადერთი იმის დადასტურება, რომ ცერცვაძე იბრძოდა უკრაინის შეიარაღებულ ძალებში. მე ეს სიტყვიერად დავადასტურე და შემდეგ მთხოვა წერილი გამეკეთებინა ლეგიონის სახელით, რომ ეს ადამიანი იბრძოდა უკრაინის მხარეს. ეს წერილი მზადდება და პროკურორს დღესვე გადაეცემა. მისი სიტყვვებით სასამართლოს მერე ცერცვაძეს გაათავისუფლებენ".