მას შემდეგ, რაც ჩრდილოეთ ინდოეთში სიცივემ იმატა, Wildlife SOS Elephant Conservation-მა და მათზე ზრუნვის ცენტრმა მოხალისეები შეკრიბა, რომელთაც სპილოებისათვის გიგანტური სვიტერები მოქსოვეს.

ფოტო: designyoutrust

ერთი ასეთი სვიტერის მოქსოვას დაახლოებით 4 კვირა სჭირდება, რადგან, როგორც იცით, სპილოები უზარმაზარი ძუძუმწოვრები არიან. მოხალისეებმა სპილოების გემოვნებაზე იფიქრეს და მრავალფეროვანი მოდური ტანსაცმელი შექმნეს.

ფოტო: designyoutrust

ერთ-ერთი მოხალისე, კარტიკ სეტიარანაიანი საუბრობს იმაზე, თუ რამდენად მნიშვნელოვანია ზამთრის ექსტრემალურად ცივ პერიოდში სპილოების გათბობა და მათზე ზრუნვა. "ზამთარში სპილოებზე ზრუნვა ძალიან მნიშვნელოვანია, ბევრი ვერ ხვდება, მაგრამ სიცივე მათთვის შეიძლება ბევრი დაავადებისა და სიკვდილის მიზეზიც კი გახდეს", - ამბობს კარტიკი.