ევროსასამართლოს საქართველოდან წარდგენილი მოსამართლეთა კანდიდატები დღეს ვერ დაამტკიცეს. ამის შესახებ საზოგადოებრივი მაუწყებელი წერს. მათივე ცნობით, შედეგად, მოსამართლეების სია თავიდან არის წარსადგენი.

ევროსაბჭოში დღევანდელ შეხვედრაზე მოსამართლეები უნდა დაემტკიცებინათ. კონკურსი აპრილამდე თავიდან უნდა ჩატარდეს.

ევროსასამართლოს მოსამართლეობის კანდიდატები იყვნენ ევა გოცირიძე, ალექსანდრე ბარამიძე და გიორგი ბადაშვილი.

  • ევა გოცირიძე 2013 წლიდან იუსტიციის უმაღლესი საბჭოს წევრია.
  • ალექსანდრე ბარამიძე 2012 წლიდან იუსტიციის მინისტრის პირველი მოადგილეა.
  • გიორგი ბადაშვილი 8 წელია ადამიანის უფლებათა ევროპული სასამართლოში იურისტის პოზიციაზე მუშაობს.