თბილისის მერის, კახა კალაძის განცხადებით, თბილისის 2021 წლის ბიუჯეტი ოდენობა მილიარდ 100 მილიონ ლარზე მეტი იქნება. მისი თქმით, ბიუჯეტის მესამედი, 33% სოციალური და ჯანდაცვის პროგრამების დასაფინანსებლად იქნება მიმართული, რაც, დაახლოებით, 350 მილიონ ლარზე მეტია.

"ჩვენ მიერ წარდგენილი ბიუჯეტის ოდენობა იქნება მილიარდ 50 მილიონი ლარი. ბიუჯეტს მომდევნო წლის დასაწყისში, იანვარში 50 მილიონი დაემატება. ის უახლოეს დღეებში გადაიგზავნება თბილისის საკრებულოში განსახილველად", — განაცხადა კალაძემ მერიის სხდომაზე.

მისივე თქმით, მომდევნო წლის ბიუჯეტის დედაქალაქის მერიას შესაძლებლობას მისცემს სხვადასხვა მნიშვნელოვანი პროექტი ქალაქში ყველა მიმართულებით განახორციელოს. მან, ასევე, აღნიშნა, რომ ინფრასტრუქტურული პროექტების განსახორციელებლად 350 მილიონი ლარი დაიხარჯება.