მას შემდეგ რაც პოლიციამ აჭარის ავტონომიური რესპუბლიკის მთავრობის სახლთან აქციის მონაწილეებს ბუშტები დაუხეთქა, მთავრობის თავმჯდომარე, თორნიკე რიჟვაძე ამტკიცებს, რომ ეს პერფორმანსი კომიკური და მეასეხარისხოვანი იყო.

"ის კონკრეტული გზა, რომელიც ჩვენ ავირჩიეთ არის საზოგადოების უმრავლესობის დაკვეთა და რა თქმა უნდა, ვერცერთი ცალკე აღებული პიროვნებები, მიუხედავად იმისა, თუ რა კონკრეტულ პერფორმანს დადგამენ და როგორ შეეცდებიან, ჩვენი და პირველ რიგში, სამართალმდაცავების ნერვების გამოცდას, ვერ მიაღწევენ მათ საწადელს. რა თქმა უნდა, ჩვენ ყოველდღიურ რეჟიმში, ჩვეულებრივ რეჟიმში ვაგრძელებთ ფუნქციონირებას. [...]

რაც შეეხება იმ კონკრეტულ კომიკურ პერფორმანსებს, იქნება ეს ბუშტების გაბერვა, თუ ცეკვა, რა თქმა უნდა ეს მეასეხარისხოვანი და ეს ვერანაირად ვერ შეგვიშლის ხელს ჩვენს დღისწესრიგში", — განაცხადა მან.

თუმცა, აღსანიშნია, რომ დღეს პოლიციამ აქციის მონაწილეობს დაუხეთქა ბუშტები, რომლებზეც ეწერა, რომ თორნიკე რიჟვაძე მონაა. ამ აქცია-პერფორმანსზე სამართალდამცავებმა დაუმორჩილებლობის ბრალდებით 2 პირი დააკავეს.