თბილისის მერის კახა კალაძის თქმით, მეტროსადგურების რეაბილიტაცია დაწყებულია და მალე ახალი ევროპული ტიპის ვაგონები იქნება. ამის შესახებ მან მთავრობის სხდომაზე განაცხადა.

კალაძემ ასევე აღნიშნა, რომ ვარკეთილის მეტრო სერიოზულ პრობლემას წარმოადგენს, დიზაინის შერჩევა ამდენი ხნის განმავლობაში ვერ მოხერხდა და მოუწოდებს დიზაინერებს დაეხმარონ.

"ჩვენ დაწყებული გვაქვს მეტროს განახლება, როგორც ვაგონების, ასევე, ვაგონების შესყიდვა. უკვე პროცესი მიდის და ძალიან მალე ახალი ევროპული ტიპის ვაგონები იქნება. მიდის მეტროსადგურების სარემონტო სამუშაოები, რომელიც ძალიან მნიშვნელოვანია, თვითონ ვესტიბიული, ქვედა ბაქანი არის მძიმე მდგომარეობაში", — განაცხადა კალაძემ.