საქართველოს პრემიერმინისტრი გიორგი გახარია ამბობს, რომ არჩევნების შემდეგ პოლიტიკური სუბიექტების კარანტინში გადასვლის საკითი განიხილებოდა, თუმცა, მისივე თქმით, მთავრობას არ შეეძლო ისინი დაევალდებულებინა.

"ლოგიკა მთავრობის შეთავაზების ეს არის რეკომენდაცია. ჩვენ არ შეგვიძლია პოლიტიკური ორგანიზაციები და პარტიები, რომლებიც აქტიურად იყვნენ ჩართულნი საარჩევნო პროცესში, დავავალდებულოთ კარანტინში გადავიდნენ. ჯანდაცვის ინტერესებიდან გამომდინარე, როდესაც პოლიტიკური აქტივისტები, აგიტატორები, ან კორდინატორები თვეების განმავლობაში უდიდესი მობილობის მაგტარებლები არიან, რა თქმა უნდ,ა არჩევნების დასრულების შემდეგ მათი 1 კვირა თვითიზოლაციაში გადასვლა არის სწორი ნაბიჯი და მე კიდევ ერთხელ ყველას, თითოეულ პოლიტიკურ პარტიას, აგიტატორსა და კოორდინატორს მოვუწოდებ, თუ ეს არ გაუკეთებიათ, რაც შეიძლება სწრაფად გადავიდნენ თვითიზოლაციაში. ეს არის მათი ოჯახისა და მეგობრების დაცვის მექანიზმი", — განაცხადა გახარია.

დღეს, 26 ნოემბერს უწყებათაშორისმა საკოორდინაციო საბჭომ კორონავირუსის გავრცელების საპრევენციო ღონისძიებები გამკაცრა და ახალი შეზღუდვები დააწესა.

გაიგეთ მეტი ახალ შეზღუდვებზე: