პრემიერმინისტრის, გიორგი გახარიას განცხადებით, თვითდასაქმებულთათვის სახელმწიფო კვლავ დააწესებს 300-ლარიან დახმარებას. გახარიას თქმითვე, მათ სახელმწიფო სესხის გადავადებაშიც მიეხმარება.

"იქიდან გამომდინარე, რომ ვზღუდავთ რამდენიმე კვირით საცალო ვაჭრობას, ბაზრობებს, მოლებს, მაღაზიებს, გვესმის, რომ დიდი რაოდენობით მოქალაქეები არიან დასაქმებულები. ვაწესებთ იგივე სახის სოციალურ-მიზნობრივ დახმარებას, რომელიც გვქონდა თვითდასაქმებულებისთვის, ეს გახლავთ 300 ლარის ოდენობის. უკვე დაწყებული გვაქვს ამ ხალხის აღრიცხვა", — განაცხადა გახარიამ.

უწყებათაშორისმა საკოორდინაციო საბჭომ კორონავირუსის გავრცელების საპრევენციო ღონისძიებები გამკაცრა და ახალი შეზღუდვები დააწესა.