ვიცე-პრემიერის მაია ცქიტიშვილის თქმით, ქვეყანაში კორონავირუსის დინამიკის ზრდა პოლიტიკურმა პრცესებმა და უპასუხისმგებლო აქციებმა გამოიწვია. მან ამის შესახებ საკოორდინაციო საბჭოს დასრულების შემდეგ განაცხადა.

"ჩვენ ისიც უბნდა გვესმოდეს რა გახდა ამ შემთხვევების მიზეზი, ყველამ ძალიან კარგად ვნახეთ ის აქტივობა, რომელიც იყო საარჩევნო პროცესში. როდესაც ჩვენ ვსაუბრობთ მობილპობის შემცირებაზე და როდესაც ასეთ აქციებს ვხედავთ ქუჩებში განსაკუთებით იქ სადაც არავითარი წესების დაცვა არ ხდება და პირიქით მიწოდება ხდება, რომ წესების დაცვა არ მოხდეს რა თქმა უნდა არ შეიძლება ეს რიცხვებში არ არისახოს. სწორედ ამ აქციებს უკავშირდება ის დინამიკა რაც გვაქვს", — განაცხადა ცქიტიშვილმა.

24 ნოემბერს საქართველოში კორონავირუსის 3 128 ახალი შემთხვევა დადასტურდა, გამოჯანმრთელდა — 3 045, გარდაიცვალა — 39. ქვეყანაში პანდემიის გავრცელებიდან დღემდე გამოვლენილი დადასტურებული შემთხვევების საერთო რაოდენობა შეადგენს 111 818-ს. ჯამში გამოჯანმრთელებულთია 92 215 ადამიანი, გარდაიცვალა 1 051.

ეპიდემიოლოგები და სამთავრობო გუნდის წევრები ამბობდნენ, რომ ვირუსის პრევენციისთვის შეზღუდვები აუცილებელია, თუმცა სრული "ლოქდაუნი" ქვეყნის ეკონომიკას დააზარალებს, ამიტომ ეტაპობრივად, წერტილოვანი შეზღუდვები დაწესდება.