დაავადებათა კონტროლის ცენტრის ცხელი ხაზი 116 001
ჯანდაცვის სამინისტროს ცხელი ხაზი 15 05
მთავრობის ცხელი ხაზი 144

კოვიდინფიცირებული მწერალი და მეცნიერი როსტომ ჩხეიძე ამბობს, რომ რამდენიმე დღე მას ციხის საავადმყოფოში მკურნალობდნენ. როგორც მან რადიო თავისუფლებას მოუყვა, ციხის საავადმყოფოში ადგილების უქონლობის გამო მოხვდა და თავიდან არ იცოდა, სად იმყოფებოდა. ამჟამად ის სახლში მკურნალობს.

"ტომოგრაფიაზე რომ ჩავყავდით, რამდენიმე კაცი შემხვდა, თქვენ რაზე ზიხართო. ვერ გავიგე რას მეკითხებოდნენ. მე მეექვსე პალატაში ვარ-მეთქი. არა, რაზე ზიხართო. კიდევ ვერ გავიგე და ფანჯარასთან ვწევარ-მეთქი. აა, ფანჯარასთანო. ზოგი კარგად რომ დამაკვირდებოდა, მეტყოდა, ალბათ სამეურნეო საქმეებზე ზიხარო, ბუღალტერია და მსგავსი რაღაცები. თან მერე გადაძახილები იყო საავადმყოფოში, კაკუნი, ბრახუნი, ციხეში როგორც ხდება. სანამ გავიგებდი, სად ვიყავი, ვფიქრობდი, რაღაც ხომ არ მეჩვენება-მეთქი", — ყვება ის რადიო თავისუფლებასთან.

როგორც ამბობს, საავადმყოფოდან გაწერისას საბუთები მოსთხოვეს და როცა არ წარუდგინა, რადგან თან არ ჰქონდა, ეგონათ, რომ ციხიდან პატიმარი გარბოდა:

"მერე ექიმი ჩამოვიდა და დაადასტურა, რომ არ ვიყავი პატიმარი".

23 ნოემბერს საქართველოში კორონავირუსის 3 958 ახალი შემთხვევა დადასტურდა, გამოჯანმრთელდა — 3 531, გარდაიცვალა — 36.

ქვეყანაში პანდემიის გავრცელებიდან დღემდე გამოვლენილი დადასტურებული შემთხვევების საერთო რაოდენობა შეადგენს 108 690-ს. ჯამში გამოჯანმრთელებულთა რაოდენობა გაიზარდა 89 170-მდე. 2020 წლის 26 თებერვლიდან დღემდე სულ გვაქვს 1 012 გარდაცვალების შემთხვევა.

წაიკითხეთ NCDC-სა და WHO-ს რეკომენდაციები კორონავირუსის პრევენციაზე: