ერთიანი ნაციონალური მოძრაობის ერთ-ერთი ლიდერის, გრიგოლ ვაშაძის განცხადებით, ვერც ერთი ფასილიტატორი საქართველოს პოლიტიკოსების ნაცვლად გადაწყვეტილებას ვერ მიიღებს, ამიტომ მათ, რაც შეიძლება მალე უნდა იპოვონ კომპრომისი. ამის შესახებ ვაშაძემ ფასილიტატორებთან გამართული შეხვედრის შემდეგ ისაუბრა.

"რაც უფრო მალე მოვნახავთ ქართველები ერთმანეთში კომპრომისს, მოვილაპარაკებთ იმაზე, რაც დააკმაყოფილებს საქართველოს მოქალაქეს, მით უკეთესი. ვერც ერთი ფასილიტატორი ჩვენ მაგივრად გადაწყვეტილებას ვერ მიიღებს", — განაცხადა ვაშაძემ.

დღეს ოპოზიციური პარტიების წარმომადგენლები სათითაოდ ხვდებიან ევროკავშირისა და აშშ-ის ელჩებს საქართველოში. დიპლომატიური პროტოკოლიდან გამომდინარე, არც ერთი მათგანი შეხვედრის დეტალებს არ ასაჯაროვებს, თუმცა ადასტურებენ, რომ შეხვედრები არჩევნების შემდეგ შექმნილი პოლიტიკური კრიზისის მოგვარების მექანიზმებს ეხება. ისინი ყველა დგას იმავე პოზიციაზე, რაზეც აქამდე, რომ არ შევლენ პარლამენტში და არ მიიღებენ მონაწილეობას მეორე ტურში.