იტალიაში, აბრუცოს რეგიონში, გრან სასოს მთასთან ახლოს მდებარე სასტუმროს, 18 იანვარს მომხდარი მიწისძვრის შედეგად გამოწვეული ზვავი დაეცა. BBC იტალიის სამაშველო სამსახურის ინფორმაციით, წერს რომ შემთხვევის შედეგად რამდენიმე ადამიანი დაიღუპა.

ზვავის დროს სასტუმრო რიგოპიანოში 30-მდე ადამიანი იმყოფებოდა, მათ შორის სულ მცირე 20 ტურისტი და 7 თანამშრომელი. ზვავის დროს შენობის სახურავი ნაწილობრივ დაზიანდა.

18 იანვარს, ცენტრალურ იტალიაში ზედიზედ ოთხი მიწისძვრა მოხდა. ბიძგები იგრძნობოდა რომში, ფლორენციასა და ნეაპოლში.