აშშ-ს გეოლოგიური კვლევითი ცენტრის ცნობით, ცენტრალურ იტალიაში, ქალაქ ამატრიჩედან 7 კმ-ის მანძილზე, 5,3 მაგნიტუდის სიმძლავრის მიწისძვრა დაფიქსირდა.

ჯერჯერობით უცნობია ინფორმაცია, გამოიწვია თუ არა მიწისძვრამ რაიმე ზიანი. იტალიური გამოცემა La Reppublica წერს, რომ ბიძგები იგრძნობოდა რომში, ფლორენციასა და ნეაპოლში.

რამდენიმე თვის წინ, ამატრიჩეში მომდარი მიწისძვრის შედეგად, 300-მდე ადამიანი დაიღუპა. ოქტომბერში კი, ქალაქ ნორჩაში მომხდარმა მიწისძვრამ დაანგრია წმინდა ბენედიქტეს ბაზილიკა და სხვა არაერთი ისტორიული ნაგებობა.