ქუთაისის ცენტრში მაკდონალდსის მშენებლობასთან დაკავშირებული პრობლემა, რომელიც რამდენიმე დღეა გრძელდება, მოგვარდა.

ადგილობრივი გამოცემის, ქუთაისი პოსტის, ინფორმაციით, ქალაქის ცენტრალურ მოედანზე, მაკდონალდსის გარდა, სასტუმრო და ეკლესია აშენდება.

ეკლესიისთვის ყოფილი რესტორანი თოლიას ტერიტორია გამოიყო.

"უკვე ვესაუბრეთ მამაოებსაც და გადაწყვეტილია, რომ ეკლესიის მშენებლობისთვის 800 კვ.მეტრი გამოიყო და ეს იქნება რესტორან თოლიას ადგილი" - აცხადებს ქუთაისის მერი შოთა მურღულია.

ქუთაისში მაკდონალდსის მშენებლობა გუშინ აქციით გააპროტესტეს. მოქალაქეები მიიჩნევდნენ, რომ რესტორანი ქალაქის იერსახეს დაამახინჯებდა, მათთვის ასევე მიუღებელი იყო მოედანზე არსებული საათის გადატანა. გაიგეთ მეტი.