მზად ხარ კოსმოსში მოგზაურობისათვის? გაქვს თუ არა იმდენი ამბიცია, რომ შეძლო, გუნდის დანარჩენ წევრებთან ერთად მწვერვალებს მიაღწიო და ვარსკვლავებს მისწვდე? რა გაძლევს სტიმულს კიდევ უფრო მეტი წარმატების მისაღწევად?

რამდენად უცნაურადაც უნდა ჟღერდეს, შენ ახლა ტექნიკის მაღაზიათა ქსელ გრანდ ელექტრონიქსის ვაკანსიის ტექსტს კითხულობ, რომლის მეშვეობითაც, აგიხსნით, თუ როგორ ადამიანებს ვეძებთ გუნდისთვის და რატომაა ჩვენთვის ასეთი მნიშვნელოვანი შენი კოსმოსში ფრენის სურვილი.

იმისათვის, რომ კოსმოსურ ხომალდზე შემოგვიერთდე, 5-6 წლის გამოცდილება საჭირო სულაც არ არის. თუმცა, სამაგიეროდ, აუცილებლად უნდა გაგაჩნდეს თვითგანვითარების მოტივაცია და გამოძრავებდეს დაუოკებელი ენთუზიაზმი, დაეხმარო შენს გუნდსა და კომპანიას; ბევრი ისწავლო მუშაობის პროცესში და მხოლოდ წინ იარო — ჩვენთან ერთად. ეს კი, დაგვეთანხმები, რომ არაფრით ჩამოუვარდება ასტრონავტის ტიპაჟს, რომელიც თავგადასავლების მოყვარული, ცოტათი თავზე ხელაღებული, მაგრამ, ამავე დროს, გუნდისთვის ყველაზე საიმედო დასაყრდენია. ჩვენ გასაუბრებისას არ გამოგვეპარება მთავარი — შენი ანთებული თვალები და განვითარების სურვილი.

გუნდის მომავალი წევრები ყოველდღიურად გადიან ინდივიდუალურ თუ ჯგუფურ ტრენინგებს, ასე რომ, ჩვენი გამოცდილი "ასტრონავტები" ფრენისათვის საგულდაგულოდ მოგამზადებენ.

შრომისმოყვარეობა და იდეებით სავსე გონება ჩვენთან ყველაზე მეტად ფასდება, ამიტომაც, თუკი ტექნოლოგიურ სიახლეებს ფეხს აუწყობ, სიტყვა "განვითარება" შენთვის მხოლოდ ჩვენს დაპირებად არ დარჩება.

გრანდ ელექტრონიქსის კოსმოსურ ხომალდზე უამრავი ადგილია; ასტრონავტების გუნდში თავგადასავლების მაძიებელ ადამიანებს ვეძებთ. კომპანიის თითოეული რგოლი სწორედ ამ სისტემის გამართული ფუნქციონირებისათვის მუშაობს: იმისათვის, რომ ხომალდმა დანიშნულების ადგილს მიაღწიოს; იმისათვის, რომ ახალი გამოწვევები დასახოს და იმისთვის, რომ ამ მუდმივი ძიების პროცესით თითოეულმა ჩვენმა ასტრონავტმა ისიამოვნოს და ხელახლა აღმოაჩინოს საკუთარი თავი საზღვრებს მიღმა.

ჩვენთან ერთად კოსმოსში ფრენის იდეა გიჟურად თუ არ გეჩვენება და პირიქით, ძალიანაც მოგწონს, აი, ბოლო რჩევაც: აუცილებლად გვიჩვენე ეს გასაუბრებაზე!

მანამდე კი, შენი რეზიუმე გრანდ ელექტრონიქსის კოსმოსურ ხომალდში მითითებული ელ-ფოსტის მეშვეობით გამოგვიგზავნე: [email protected]