საქართველო-მაკედონიის მატჩზე, რომელსაც გულშემატკივარი ვერ ესწრება, თბილისის მერი და გენერალური მდივანი კახა კალაძე შვილთან ერთად იმყოფება. პირველი არხის პირდაპირი ეთერის კადრებში ჩანს, რომ მატჩზე არის ქართული ოცნების აღმასრულებელი მდივანი ირაკლი კობახიძე, ფედერაციის პრეზიდენტი და ამავე პარტიის წევრი ლევან კობიაშვილი და სხვა პირებიც.

პარალელურად მატჩს გარეთ დამონტაჟებულ ეკრანზე უყურებს გულშემატკივარი, რომელსაც ნაკრების მხარდასაჭერად გადაადგილების შეზღუდვის წესის დარღვევა და 2 000-ლარიანი ჯარიმით გარისკვა უწევს.

მიუხედავად იმისა, რომ UEFA-მ თამაშებზე მაყურებლის ნაწილის მისვლა სპეციალური წესების დაცვით დაუშვა, საკოორდინაციო საბჭომ, კორონავირუსის გავრცელების მიზეზით, უარი თქვა. ამ მიზეზის გამო, წინა მატჩზეც გულშემატკივრები სტადიონის გარეთ იყვნენ შეკრებილები.