საერთაშორისო სავალუტო ფონდის ინფორმაციით, მოსალოდნელია, რომ საქართველოში "ტურიზმის შოკი" დიდხანს გასტანს და 2019 წლის დონეს ტურიზმის შემოსავლები მხოლოდ 2024 წელს დაუბრუნდება.

გარდა ამისა, IMF-ის განცხადებით, შემცირდება საქართველოს ეკონომიკური ზრდაც. მათი პროგნოზით, 5 პროცენტის ნაცვლად საქართველოში 2021 წელს 4,3 პროცენტიანი ზრდა იქნება.

IMF-ის ცნობით, ეს ძირითადად რეგიონში მიმდინარე კონფლიქტითა და საქართველოში არსებული ეპიდსიტუაციის, კერძოდ, კორონავირუსის შემთხვევების ზრდითაა გამოწვეული. ამასთან, დოკუმენტის თანახმად, ინფლაცია სამიზნე 3 პროცენტიან მაჩვენებელს 2021 წლის ბოლოს მიუახლოვდება. IMF-ის განცხადებით, საშუალო ვადაში ეკონომიკის ზრდის პროგნოზი უცვლელია და 5¼ პროცენტს შეადგენს.