სტინგერი სმენადაქვეითებული ძაღლია, რომელმაც ფუტკრების თავდასხმა გადაიტანა. უამრავი ნაკბენის შედეგად ძაღლი დაავადდა და დამახინჯდა. პატრონებმა სტინგერი ვეტერინარულ კლინიკაში მიიყვანეს და იქვე დატოვეს კიდეც.

საბედნიეროდ, გამოჩნდა ცხოველების უფლებების დამცველი ორგანიზაციის, LuvnPupz-ის დამფუძნებელი ქერი შიფაილა, რომელმაც სტინგერზე ზრუნვა გადაწყვიტა. ქერიმ აღმოაჩინა, რომ ძაღლს უამრავი პრობლემა ჰქონდა, მათ შორის, კანის უმძიმესი დაავადებით იყო დაავადებული. გარდა ამისა, პიტბულს ავტოიმუნური დაავადებაც აღმოაჩნდა, რაც კიდევ უფრო ართულებდა მის მდგომარეობას.

ქერის ორგანიზაციის წყალობით, სტინგერი ახლა ბევრად უკეთ გრძნობს თავს, თუმცა მას მაინც ესაჭიროება ყოველდღიური მედიკამენტები.

ფოტო: LuvnPupz

"სტინგერი ძალიან მოსიყვარულე და გასაოცარი ძაღლია. ყველა უყვარდება, ვისაც ხვდება. მას შეუძლია ადამიანებისთვისაც სამაგალითო გახდეს: ასეთი თბილი, მოსიყვარულე და მხიარული ძაღლი მართლა იშვიათია", - ამბობს ქერი შიფაილა.

საბედნიეროდ, პიტბული ახლა საიმედო ხელშია. მისი წამლების ფულს კვლავ ქერის ორგანიზაცია ფარავს, თუმცა ნებისმიერ მსურველს შეუძლია დონორი გახდეს და სტინგერის კარგად ყოფნაში საკუთარი წვლილი შეიტანოს.