"ჩვენი თანამებრძოლების ნაწილმა იმედის, გამარჯვების და ჩვენი ღირებულებების რწმენა დაკარგა" - აცხადებს მიხეილ სააკაშვილი გიორგი გაბუნიასთან ინტერვიუში და საუბრობს იმ მოვლენებზე, რაც ნაციონალურ მოძრაობაში განვითარდა.

"ის ხალხი ვერ თანხმდებოდა მთავარ იდეაზე, ამიტომ მათი გამოყოფა დადებითი მოვლენაა. დარჩა ის ხალხი, ვისაც სჯერა იდეის. დიდი მასივი გაიწია გზაზე და გზა დაუთმო ახალ ხალხს. სახელმწიფოს ინტერესებზე მაღლა არასდროს ვაყენებდი პირად ურთიერთობებს და ეს ჩემი მთავარი ძალაა.

მეგობრობას რომ სახელმწიფო საქმიანობაში არ ვურევდი, ამას ივანიშვილიც მინუსად მითვლიდა. რა თქმა უნდა, ადამიანურად გული გწყდება ხანდახან, როცა უყურებ, რომ ზოგიერთი ადამიანის გვერდზე გასვლას, ზოგიერთი ადამიანის დეგრადირებას, მათ შორის მეგობრების. თუმცა აქ არის საუბარი სახელმწიფოებრიობაზე, ჩემთვის იდეა არის ქართული სახელმწიფოსი".

ნაციონალურ მოძრაობას დეპუტატებისა და წევრების ნაწილი 13 იანვარს გამოეყო. მათ ახალი პარტია ჩამოაყალიბეს, სახელად - ევროპული საქართველო.

სააკაშვილმა მათ პარტიიდან გასვლას დადებითი მოვლენა უწოდა.