შსს-ს ინფორმაციით, ცეცხლსასროლი იარაღის და საბრძოლო მასალის უკანონო შეძენა-შენახვის ბრალდებით ხობში ერთი პირი დააკავეს.

შინაგან საქმეთა სამინისტროს ინფორმაციით, დაკავებულის საცხოვრებელი სახლის ჩხრეკისას სამართალდამცველებმა AKM-ის მოდელის ავტომატური ცეცხლსასროლი იარაღი, მაკაროვის სისტემის პისტოლეტი, 222 საბრძოლო ვაზნა, 7 მჭიდი F1-ის ტიპის 2 ხელყუმბარა და 2 ამფეთქი დეტონატორით ამოიღეს. უწყების განმარტებით, დაკავებული ჩადენილ დანაშაულს აღიარებს.

უწყების ცნობით, გამოძიება სისხლის სამართლის კოდექსის 236-ე მუხლის მე-2 ნაწილით მიმდინარეობს, რაც ცეცხლსასროლი იარაღის და საბრძოლო მასალის მართლსაწინააღმდეგო შეძენა-შენახვას გულისხმობს და ისჯება ჯარიმით ან თავისუფლების აღკვეთით ვადით სამიდან ხუთ წლამდე.