პრემიერმინისტრ გიორგი გახარიას თქმით, პროცესი, რომელსაც დღეს ოპოზიცია მისდევს არის პრინციპი "ყველაფერი ან არაფერი", რასაც არაფერი აქვს საერთო დემოკრატიულ პროცესთან. ამის შესახებ მან იმედისთვის მიცემულ ინტერვიუში განაცხადა.

"ჩვენ ყველას, ვისაც ელემენტარული პროცესი ესმის, გვესმის, რომ პრინციპი, რომელსაც დღეს ჩვენი ოპოზიცია მისდევს, ეს არის ყველაფერი ან არაფერი. ამ პრინციპს საერთო არაფერი აქვს დემოკრატიულ პროცესთან, ეს პროცესი ქვეყანას აბრუნებს წარსულში", — ამბობს გახარია.

საქართველოში მე-6 დღეა საპროტესტო აქციები მიმდინარეობს. 31 ოქტომბრის საპარლამენტო არჩევნების შედეგებს ოპოზიცია არ აღიარებს და რიგგარეშე არჩევნების ჩატარებას ითხოვს. პარტიებმა საკანონმდებლო ორგანოში შესვლაზე უარი უკვე თქვეს.