უკვე სამი ათწლეულია, რაც სიმპსონები ეკრანებზე გადის და მართალია, ამ საკულტო ანიმაციური სიტკომის სამყარო მილიონობით მაყურებლის საყვარელი გარემოა, თუმცა ვაღიაროთ, რომ რამე, შოუს მთავარი გმირების სახლს ხელის შევლება არ აწყენდა.

სიმპსონების ოჯახი რეალურ სამყაროში რომ ცხოვრობდეს და თავიანთი სახლისთვის ინტერიერის დიზაინერის დაქირავება სურდეთ, ვინ იქნებოდა საუკეთესო კანდიდატი? სწორედ ამ კითხვაზე პასუხი კომპანია HomeAdvisor-მა გასცა და ამ სიტკომში ნაჩვენები რამდენიმე ცნობილი ინტერიერი კინორეჟისორ უეს ანდერსონის ესთეტიკით დააპროექტა.

უეს ანდერსონის შემოქმედება ცნობილია განსაკუთრებული პერფექციონიზმით: მის ყოველ კადრში ყველა ობიექტს მკაცრად განსაზღვრული ადგილი აქვს, რაც ჰარმონიულ განლაგებას ქმნის. აღარაფერს ვამბობთ ფერებზე, რომლებიც მაყურებლის თვალებს ნამდვილ სიამოვნებას ანიჭებს.

HomeAdvisor-ის დიზაინერთა გუნდმა უეს ანდერსონის ისეთი ცნობილი ფილმები ნახა, როგორებიცაა ტენენბაუმების ოჯახი, სასტუმრო გრანდ ბუდაპეშტი თუ ამომავალი მთვარის სამეფო, რის შემდეგაც სიმპსონებისთვის ინტერიერი შექმნეს და ვნახოთ, რა გამოვიდა ამ ორი სამყაროს შერწყმით — ვინ იცის, იქნებ თქვენი სახლის დიზაინისთვისაც კი გამოგადგეთ იდეები.

სიმპსონების ოჯახის მისაღები ოთახი

ფოტო: 20 Century Studios

აი, ასეთი იქნებოდა უეს ანდერსონის დიზაინით

ფოტო: homeadvisor

კედელზე გემის ცნობილ ნახატთან ერთად სხვა ჩარჩოში ჩასმული ვიზუალებიც დაუმატეს, დივნის გვერდით კი ჟურნალების კალათაც დადგეს, ოჯახის ნებისმიერი წევრი მარტივად რომ მისწვდეს და დრო გაიყვანოს პრიალა ფურცლების თვალიერებით.

სამზარეულო

ფოტო: 20 Century Studios

ასეთი იქნებოდა უეს ანდერსონის დიზაინით

ფოტო: homeadvisor

მართალია, მაცივარს გამოცვლა არ აწყენდა, მაგრამ ისიც უნდა ითქვას, რომ აქ ყველაზე გემრიელი მაჭკატები გამოცხვებოდა, რომელსაც მერე ჟოლოსთან ერთად შეჭამდი.

ლიზა სიმპსონის საძინებელი

ფოტო: 20 Century Studios

ასეთი იქნებოდა უეს ანდერსონის დიზაინით

ფოტო: homeadvisor

ლიზა ამ საძინებელში თავს ტენენბაუმების ოჯახის წევრად იგრძნობდა.

მოს დუქანი

ფოტო: 20 Century Studios

ასეთი იქნებოდა უეს ანდერსონის დიზაინით

ფოტო: homeadvisor

ეს, ალბათ, მთვრალი კაცებისთვის მეტისმეტია: აქ ნატალი პორტმანი უნდა იჯდეს წითელი ღვინით ხელში სასტუმრო შევალიედან.

სპრინგფილდის ატომური სადგურის სექტორი 7-G

ფოტო: 20 Century Studios

ასეთი იქნებოდა უეს ანდერსონის დიზაინით

ფოტო: homeadvisor

დიახ, უეს ანდერსონი ატომური სადგურის ინტერიერსაც ნამდვილ სამოთხედ გადააქცევდა.

მისტერ ბარნის ოფისი

ფოტო: 20 Century Studios

ასეთი იქნებოდა უეს ანდერსონის დიზაინით

ფოტო: 20 Century Studios

კაცი, რომელსაც უნდა, საკუთარი ძალაუფლება კაბინეტის ინტერიერშიც კი ჩააქსოვს, სწორედ ასეთ დიზაინს მოიწონებდა.

სახლის თანამედროვე, გამორჩეული დიზაინით მოწყობაში ამიერკავკასიაში ყველაზე დიდი სამშენებლო და სარემონტო მასალების ჰიპერმარკეტი მიჰაუსი დაგეხმარებათ. 12 000 კვ. მეტრზე გაშლილ სივრცეში თქვენ შეხვდებით 60 000-მდე დასახელების პროდუქციას მსოფლიოს მრავალი ქვეყნიდან.

პროდუქციის ვირტუალურ ინტერიერში აღქმის შესაძლებლობით, ონლაინ მაღაზიით, სწრაფი მიტანის სერვისით, ლოიალურობის პროგრამებითა და სხვა უპირატესობებით მიჰაუსი თქვენი სახლის თუ სამუშაო სივრცის სიმყუდროვესა და კომფორტს უზრუნველყოფს.