ქართული ოცნების აღმასრულებელმა მდივანმა, ირაკლი კობახიძემ განაცხადა, რომ ქვეყანაში "ლოქდაუნი" არ გამოცხადდება.

"რაც შეეხება ლოქდაუნს, ჩვენ ლოქდაუნთან დაკავშირებით არაერთხელ ვთქვით და კიდევ ერთხელ გავიმეორებთ, რომ ლოქდაუნი არ იქნება", — განაცხადა კობახიძემ.

ევროპული საქართველოს ერთ-ერთმა ლიდერმა, გიგა ბოკერიამ 28 ოქტომბერს განაცხადა, რომ 2 ნოემბრიდან მთავრობა ქვეყანაში სრული ჩაკეტვის, ე.წ. ლოქდაუნის გამოცხადებას გეგმავდა. ამაზე კობახიძემ განაცხადა, რომ ეს არ იგეგმებოდა და 31 ოქტომბერს საქართველოს მოსახლეობა "ლოქდაუნს" ნაციონალურ მოძრაობასა და ევროპულ საქართველოს გამოუცხადებს.