დმანისში, სოფელ ჯავახეთში საკრებულოს თავმჯდომარე დაჭრეს. ის გაერთიანებული ოპოზიცია — ნაციონალური მოძრაობის მაჟორიტარობის კანდიდატის, კახა ოქრიაშვილის ნათესავია.

კახა ოქრიაშვილის განცხადებით, მას მომხდარის შესახებ ინფორმაცია არ აქვს. თუმცა, დეპუტატი ფაქტს პოლიტიკას უკავშირებს. არსებული ინფორმაციით, მერაბ ოქრიაშვილი მის საარჩევნო კომპანიაში აქტიურადაა ჩართული.

"წარმოდგენა არ მაქვს ხალხო, მე თბილისში ვიყავი, მივდიოდი დმანისში და გზაში დამირეკეს, რომ მოყავთო. საათნახევრის წინ შეიყვანეს საოპერაციოში. არაფერი არ ვიცი, ალბათ მივიდა ვიღაცა და ესროლა", — უთხრა ოქრიაშვილმა ჟურნალისტებს.

არსებული ინფორმაციით, მერაბ ოქრიაშვილი ფეხშია დაჭრილი. ის თბილისში, ერთ-ერთ კლინიკაში გადმოიყვანეს.

როგორც შინაგან საქმეთა სამინისტროში On.ge-ს განუცხადეს, მომხდარზე გამოძიება სისხლის სამართლის კოდექსის 118-ე და 236 მუხლებით მიმდინარეობს, რაც ჯანმრთელობის ნაჯლებად მძიმე დაზიანებას და ცეცხლსასროლი იარაღის უკანონო შეძენა-შენახვა-ტარებას გულისხმობს