ქართული ოცნების აღმასრულებელმა მდივანმა, ირაკლი კობახიძემ განაცხადა, რომ მაჟორიტარული ოლქების, ნახევარში მეორე ტურები გახდება საჭირო.

"როცა იღებ, დაახლოებით, 49-პროცენტიან მაჩვენებელს, ამ შემთხევვაში, ალბათობა მაღალია, რომ ნახევარში, ან თუნდაც 2/3-ში, დაგვჭირდება მეორე ტური", — განაცხადა კობახიძემ.

მისი თქმით, მმართველი პარტია, მინიმუმ, 14 შემთხვევაში იგებს პირველივე ტურში.

2020 წლის საპარლამენტო არჩევნების შესახებ

31 ოქტომბერს, საქართველოს პარლამენტის არჩევნები გაიმართა. წელს პირველად, საარჩევნო სისტემა ყველაზე მეტად მიუახლოვდა სრულად პროპორციულს და არჩევნების 120/30 მანდატების თანაფარდობით ჩატარდა. აღნიშნული 8 მარტს ოპოზიციისა და მმართველ გუნდს შორის აშშ-ს ელჩის რეზიდენციაში გამართულ არაფორმალურ შეხვედრაზე გადაწყდა. იქვე, სამთავრობო გუნდი და ოპოზიცია, ასევე, შეთანხმდა, რომ პარტია, რომელიც 40%-იან მხარდაჭერას ვერ მოიპოვებს, მთავრობის დაკომპლექტებას ვერ შეძლებს. რაც შეეხება ბარიერს, იგი — 1%-ია.

მთელი ქვეყნის მასშტაბით საარჩევნო უბნები 8 საათზე გაიხსნა და ხმის მიცემის პროცესი დაიწყო. უბნები 20:00 საათზე დაიხურა.

გაიგეთ მეტი არჩევნებზე: