ცენტრალური საარჩევნო კომისიის ოფისთან ხმაურია, ადგილზე მობილიზებულია პოლიცია. ცესკოს ოფისში შესვლას მთავარი არხის გენერალური დირექტორი ნიკა გვარამია ითხოვს. მისი თქმით, სურს ინტერვიუს ჩაწერა ცესკოს თავმჯდომარესთან, თამარ ჟვანიასთან.

ცესკოს პირველადმა შედეგებმა ოპოზიციის კრიტიკა და გაღიზიანება გამოიწვია. პოლიტიკური პარტიის ლიდერები აცხადებენ, რომ არჩევნების შედეგები რეალობას არ ასახავს. გვიან ღამით ისინი ცესკოს ოფისთან შეიკრიბნენ და გააპროტესტეს. ადგილზე მობილიზებული იყო პოლიცია.

ხვალ, 16:00 საათზე ოპოზიცია საპროტესტო აქციას გეგმავს, სადაც გაჟღერდება მათი გეგმებისა და მოთხოვნების შესახებ.

ცესკოს პირველადი შედეგები მიახლოებულია იმედის დაკვეთით ჩატარებული ეგზტიპოლის მონაცემებთან, რომლის მიხედვითაც, "ოცნებას" — 54%, ენმ-სა და ძალა ერთობაშიას კი 24% აქვს.

გაიგეთ მეტი ეგზიტპოლების შედეგებზე: