შინაგან საქმეთა სამინისტროს განცხადებით, ცოლისა და მეზობლის მკვლელობისა და კიდევ ორი მეზობლის მკვლელობის მცდელობის ბრალდებით ერთი პირი დააკავეს. დანაშაული 16-დან 20 წლამდე ან უვადო თავისუფლების აღკვეთას ითვალისწინებს"

"გამოძიებით დადგინდა, რომ ბრალდებულმა სანადირო თოფიდან გასროლით სასიკვდილო ჭრილობა მიაყენა მეზობელს —1974 წელს დაბადებულ კ.ს.-ს, რის შემდგომაც, ამავე იარაღიდან გასროლით მოკლა ცოლი — 1967 წელს დაბადებული ლ.დ. ბრალდებულმა, ასევე, სხეულზე დაზიანება მიაყენა ორ მეზობელს და შემთხვევის ადგილიდან მიიმალა", — აცხადებენ უწყებაში.

შსს-ს ინფორმაციით, ბრლადებული გურჯაანის მუნიციპალიტეტში დააკავეს და დანაშაულის ჩადენის იარაღი, სანადირო თოფი ნივთმტკიცების სახით ამოიღეს. მათივე თქმით, დაკავებული აღიარებს დანაშაულს.

საქმეზე გამოძიება დამამძიმებელ გარემოებაში ორი პირის, მათ შორის ოჯახის წევრის მიმართ ჩადენილ განზრახ მკვლელობის და ორი პირის განზრახ მკვლელობის მცდელობის ბრალდებით საქართველოს სსკ-ის 11 პრიმა-109-ე მუხლის მე-2 ნაწილის "ვ" ქვეპუნქტით, მე-3 ნაწილის "ა" ქვეპუნქტით და 19-109-ე მუხლის მე-2 და მე-3 ნაწილებით მიმდინარეობს.