რადიოაქტიური სპოტი

"გასულ კვირას ბრისტოლის უნივერსიტეტის ინჟინერთა გუნდი ჩერნობილის ბირთვულ ელექტროსადგურს ეწვია, რათა შეემოწმებინათ, თუ როგორ მუშაობს სპოტი, ოთხფეხა რობოტი, რომელიც აშშ-ში დაფუძნებულმა რობოტექნიკის კომპანიამ, Boston Dynamics-მა შექმნა", - განაცხადეს უკრაინულ გადაცემა Ukrinform-ში.

ძაღლ რობოტს, ან რობო-ძაღლს, შეუძლია დამოუკიდებლად შეამოწმობს ეს ტერიტორია და ისეთ "არაკეთილგანწყობილ" გარემოში იტრიალოს, როგორიც ყოფილი ბირთვული ელექტროსადგურის რადიოაქტიური ნარჩენებით მდიდარი ტერიტორიაა.

სპოტმა სადგურის მიმდებარე ტერიტორიაზე გაისეირნა და 1986 წელს, კატასტროფის დროს დანგრეული მეოთხე რეაქტორიც მოინახულა, რომელიც ამჟამად რადიოაქტიური ნივთიერებების გარემოში გავრცელების თავიდან არიდების მიზნით, ფოლადის გუმბათითაა გარშემორტყმული.

რობოტის მთავარი დავალება ის იყო, რომ შეესწავლა რადიაციის დონე ამ ადგილას და შეედგინა რადიოაქტიური ნივთიერებების განაწილების სამგანზომილებიანი რუკა.

Ukrinform-ის მიხედვით, ამ დავალების შესრულების დროს ბრისტოლის უნივერსიტეტის გუნდის წევრებმა ასევე გამოიყენეს დრონები, დისტანციურად მართვადი სენსორები და სკანერები.