ჯონ კერიმ ლგბტ თანამშრომლებსა და აპლიკანტებს ბოდიში მოუხადა საუკუნეების განმავლობაში სახელმწიფო დეპარტამენტის მხრიდან დისკრიმინაციისთვის. ინფორმაციას ამის შესახებ CNN ავრცელებს.

"ეს ქმედებები ისეთივე გაუმართლებელი იყო მაშინ, როგორც ახლა იქნებოდა. დეპარტამენტის სახელით, ბოდიშს ვუხდი მათ, ვისზეც წარსულმა გავლენა იქონია." - განაცხადა კერიმ.

კერის თქმით, დისკრიმინაციული მიდგომა 1940-იანი წლებით თარიღდება და დეპარტამენტი იქცეოდა მსგავსად "უამრავი საჯარო და კერძო დაწესებულებისა".

კერის განცხადებას გამოეხმაურნენ ლგბტ უფლებადამცველებიც:

"მიუხედავად იმისა, რომ საუკუნეების წინ მიყენებული ზიანის გამოსწორება შეუძლებელია, ასეთი პატარა მაგრამ ძალიან საჭირო ჟესტები სწორი დამოკიდებულების ჩამოყალიბებას დაეხმარება სახელმწიფო დეპარტამენტში, მით უმეტეს, რომ ქვეყანაში ახალი, ჯერ კიდევ გაურკვეველი დრო დგება."

კერიმ თეთრ სახლში მოღვაწეობის პერიოდში რამდენიმე მნიშნველოვანი პრო-ლგბტ ნაბიჯი გადადგა. მათ შორის ლგბტ პირთა ადამიანის უფლებების სპეციალური აგენტის შექმნაა, რომელიც შეერთებული შტატების სახელით, მთელი მსოფლიოს მასშტაბით უწყობს ხელს ლგბტ უფლებების დაცვას .