საკოორდინაციო საბჭოს სხდომის შემდეგ განათლების მინისტრმა, მიხეილ ჩხენკელმა განცხადა, რომ სამედიცინო მიმართულების უფროსკურსელებს გადაამზადებენ და მედპერსონალის რეზერვი შეიქმნება. მისი თქმით, სტუდენტები გაივლიან სწრაფ კურსს და საჭიროების შემთხვევაში ჩაერთვებიან კოვიდის სამედიცინო მენეჯმენტში.

"მომზადების კურსი იქნება მრავალწახნაგიანი, მრავალი განზომილება იქნება ჩართული და სიტუაციიდან გამომდინარე, რაშიც დაჭირდებათ ჩვენს ექიმებს დახმარება, ჩვენი უფროსკურსელი სტუდენტები დაეხმარებიან ", — განაცხადა მან.

ჩხენკელმა აღნიშნა, რომ დღეს ხვდება უნივერსიტეტების რექტორებსა და ფაკულტეტების ხელმძღვანელებს და მაქსიმუმ ერთ კვირაში იქნება უფროსკურსელების ბაზა, რომლებმაც სწრაფი ტრენინგი გაიარეს.

NCDC-ის ხელმძღვანელის, ამირან გამყრელიძის განცხადებით, მაქსიმალურად უნდა მოხდეს სამედიცინო ქსელის მობილიზება.

"აქ შედიან ჩემი კოლეგები, რომლებიც დღეს დასაქმებული არ არიან და მაღალი კურსის, მეხუთე-მეექვსზე კურსზეა საუბარი, სტუდენტები და რეზიდენტები", — განაცხადა მან.