არასრულწლოვნებმა დიზაინერ ზვიად ციკოლიას მაღაზიის გაქურდვა სცადეს. ორი არასრულწლოვანი ციკოლიას კუთვნილ მაღაზიაში შეიჭრა, თუმცა ადგილიდან თანხის წაღება ვერ მოახერხეს, რადგან მალევე მაღაზიაში განგაშის სიგნალი ჩაირთო.

შინაგან საქმეთა სამინისტროში On.ge-ს განუცხადეს, რომ მომხდარზე გამოძიება სისხლის სამართლის კოდექსის 177-ე მუხლით დაიწყო, რაც ქურდობას გულისხმობს.

მაღაზიის გაქურდვის მცდელობის შესახებ დიზაინერმა ინფორმაცია და ვიდეომასალა ფეისბუქზე გაავრცელა.