ადამიანის უფლებათა დაცვის კომიტეტის ხელმძღვანელის სოფო კილაძის თქმით, ქვეყნის უსაფრთხოება ისეთივე მნიშვნელოვანია, როგორც ადამიანის უფლებები, ამიტომ მისივე აზრით, ე.წ. მოსმენების შესახებ კანონპროექტზე მუშაობისას, აუცილებელია დაბალანსებული სისტემის შემუშავება:

"ძალიან მნიშვნელოვანია მოდელში გათვალისწინებული იყოს ადამიანის უფლებები, მეორეს მხრივ ასევე ძალიან მნიშვნელოვანია უსაფრთხოების საკითხები. ჩვენ აუცილებლად უნდა მოვახერხოთ და ისეთი მოდელი შევიმუშავოთ რომელიც მოახერხებს ბალანსის დაცვას ამ ორ მნიშვნელოვან სიკეთეს შორის. მე მგონია, რომ ის ფართო ჩართულობა რომელიც გათვალისწინებულია ამ მოდელის შემუშავების პროცესში, მოგვცემს იმის საშუალებას რომ დაბალანსებული სისტემა მივიღოთ საბოლოოდ".

დღეს, 10 იანვარს, ფარული მოსმენების თემაზე შექმნილი სამუშაო ჯგუფი იურიდიულ საკითხთა კომიტეტის ფარგლებში პირველ შეხვედრას მართავს.

საკონსტიტუციო სასამართლოს გადაწყვეტილების გათვალისწინებით სამართლებრივი ნორმები, რომლებიც ფარული მიყურადების საკითხებს ეხება, დეპუტატებმა 31 მარტამდე უნდა შეიმუშაონ.