თბილისში საზოგადოებრივ ტრანსპორტს ახალი მარშრუტები ემატება. ამის შესახებ თბილისის მერმა, კახა კალაძემ ისაუბრა.

"მთლიანად ვაკეთებთ ახალი მარშრუტების დადგენას იმიტომ, რომ არის შემთხვევები, როცა დუბლირება ხდება მიკროავტობუსის, ავტობუსის, მეტროსთან მიმართებითაც. ეს ყველაფერი დარეგულირებული იქნება", — განაცხადა კახა კალაძემ.

კალაძის განცხადებით, პარასკევს თბილისის მერია მოსახლეობას წარუდგენს პრეზენტაციას, თუ როგორი იქნება ეს მარშრუტები — რა ნომრები შემოდის, რა მიმართულებით იმოძრავებენ.