მთავარი არხის მიერ ჩატარებული IPSOS-ის კვლევის თანახმად, მომდევნო კვირას რომ საპარლამენტო არჩევნები გაიმართოს, ალოკაციით მიღებული შედეგების მიხედვით, ქართულ ოცნებას 40.3 პროცენტი მისცემდა ხმას; ერთიან ნაციონალურ მოძრაობასა და გაერთიანებულ ოპოზიციას კი 31.2 პროცენტი უჭერს მხარს.

სხვა პარტიების ხმის მიმცემთა პროცენტული მაჩვენებელი შემდეგნაირია:

  • ევროპული საქართველო — 6,8;
  • სტრატეგია აღმაშენებელი — 6,8;
  • ლელო — 4,5;
  • გირჩი — 3,4;
  • ლეიბორისტული პარტია — 2,6;
  • პატრიოტთა ალიანსი — 1,5;
  • ერთიანი საქართველო — 1,2;
  • მოქალაქეები — 1;
  • სხვა პარტიები — 0,7.

კვლევის ჩატარების პერიოდი 8-დან 15 ოქტომბრამდე პერიოდს მოიცავდა. სულ 18 წელს ზემოთ ასაკის მქონე 1507 ადამიანი პირდაპირი ინტერვიუს მეთოდით გამოიკითხა. კვლევის ცდომილება +- 2,5 პროცენტია.