საერთაშორისო გამჭვირვალობა — საქართველოს ინფორმაციით, სტარტეგია აღმაშენებლის მიერ წარმოდგენილი მაჟორიტარობის ორი კანდიდატი ოთხ კომპანიასთან არის დაკავშირებული. TI-ის ცნობით, მათ, ოჯახის წევრების შემოწირულობების ჩათვლით, საკუთარ პარტიას, ჯამში, 194 500 ლარი შესწირეს.

TI-მ კანდიდატების სამეწარმეო საქმიანობა და შემოწირულობები 2012 წლიდან 2020 წლის 13 ოქტომბრამდე შეისწავლა. დოკუმენტში აღნიშნულია, რომ ისინი მოკლებული არიან შესაძლებლობას, შეამოწმონ, არის თუ არა კვლევაში ნახსენები კომპანიები აქტიური, რადგან ამ მიზნისთვის საჭირო ინფორმაცია საგადასახადო საიდუმლოებაა.

ისნის მაჟორიტარობის კანდიდატი, გიორგი ვაშაძე, დოკომუნეტის მიხედვით, სამეწარმეო საქმიანობაში ჩართული არ არის. მისი ცოლი, ქეთევან სიჭინავა კი, TI-ის ინფორმაციით, ფიჩისა და ნარას დირექტორია და ამ კომპანიების 50%-სა და 45%-ს ფლობს.

ამასთან, ანგარიშში ვკითხულობთ, რომ გიორგი ვაშაძემ 2017-2018 წლებში სამოქალაქო პლატფორმა — ახალ საქართველოს 84 500 ლარი შესწირა. ხოლო 2012-2015 წლებში 20 500 ლარი ერთიან ნაციონალურ მოძრაობას. ამის გარდა, მან 2017-2018 წლებში სტრატეგია აღმაშენებელს 84 500 ლარი შესწირა. TI-ის ცნობითვე, მისმა ცოლმა ქეთევან სიჭინავამ 2016-2020 წლებში სტრატეგია აღმაშენებელს 110 000 ლარი შესწირა, 2016 წელს სამოქალაქო პლატფორმა — ახალ საქართველოს – 50 000 და წარმატებულ საქართველოს — 9 000 ლარი.

რაც შეეხება საბურთალოს მაჟორიტარობის კანდიდატს, თამარ ჩარკვიანს, TI-ის ინფორმაციით, იგი მორკინალი-1-ისა და ქართული სიტყვა, ლიტერატურა, ხელოვნება, პოლიტიკის დირექტორი, ასევე კომპანიების 100%-იანი წილის მფლობელია.

კანონმდებლობის თანახმად, პარლამენტის წევრს უფლება არ აქვს ეკავოს რაიმე თანამდებობა საჯარო სამსახურში ან ეწეოდეს სამეწარმეო საქმიანობას, თუმცა ის შეიძლება ფლობდეს აქციებს, წილს და სხვა ქონებას.

ასევე, პარლამენტის წევრს უფლება არ აქვს უშუალოდ განახორციელოს არაერთჯერადი საქმიანობა მოგების მიზნით მატერიალური ფასეულობებისა და ფინანსური საშუალებების სამართავად.

ამავე თემაზე: