მართალია ჯერ 2025 წლის მხოლოდ ნახევარი გავიდა, მაგრამ უკვე დაგროვდა წელს გამოსული სერიალები, რომლებისგანაც 10 საუკეთესო შეგირჩიეთ:

1. Adolescence

ნეტფლიქსის ლიმიტირებულ სერიალზე, Adolescence (მოზარდობა) უკვე ბევრჯერ დავწერეთ, თუმცა კიდევ ერთხელ — რაც ნეტფლიქსის დრამას თვალწარმტაცს ხდის, არის: სექსისტური მასკულინური კულტურის ავთენტური ასახვა, მსახიობების უბადლო შესრულება (მათ შორის დებიუტანტი ოუენ კუპერიც) და გასაოცარი უწყვეტი კადრი. თუმცა სერიალის მთავარი ეფექტურობა მის ნიუანსებშია, იქნება ეს მუდმივი დაძაბულობის გრძნობა ცხარე საუბრისას თუ სიხარულის განცდისას, თავსდატეხილი უბედურების ქარიშხალი. ნეტფლიქსის მოზარდობა კრიზისში მყოფი მასკულინობის იდეალური პორტრეტია.

2. Andor

ტონი გილორის 4 ნაწილად დაყოფილი 12 სერია, რომლის მოქმედება ვარსკვლავური ომები: განდევნილიდან 5 წლით ადრე ხდება, წლის ყველაზე ამბიციური პროექტია. სერიალის მეორე სეზონი იმ გაუკვალავ გზაზეა, რისი გაკაფვაც პერსონაჟებს ავტორიტარული რეჟიმისგან მიყენებული ზიანის გამო ერთიანი ძალებით მოუწევთ. ანდორის მეორე სეზონი ერთგვარი გაკვეთილია, იმაზე თუ როგორ უნდა შეძლოს დისნეიმ ვარსვკლავური ომების ფასეულობებისა და ღირებულებების შენარჩუნება.

3. Common Side Effects

ჯოსეფ ბენეტის და სტივ ჰელის Adult Swim-ის დრამედია (დრამა და კომედია), ფარმაცევტული ინდუსტრიის მძაფრი, სატირული კრიტიკაა: სავსე დაძაბულობით, პარანოიით, ფსიქოდელიური ვიზუალებითა და უცნაური იუმორით. ძირითადი გვერდითი მოვლენები თავისი აბსურდიზმით ერთდროულად განცვიფრებულსა და ახითხითებულს დაგტოვებთ.

4. Dark Winds

რაც არ უნდა გადაწყვიტოს ემის ჟიურიმ, ზაჰნ მაკლარნონი, ლეფრონი და ჩის (ტონი ჰილერმანის) მისტიკურ ეკრანიზაციაში, საუკეთესოა პირველხარისხოვანი როლის შემსრულებელთა შორის, რაც ოდესმე სერიალებში გინახავთ. ჯენა ელფმანისა და ჰალუცინოგენური ჰორორის კომბინაციით, ბნელი ქარები აეროპორტის რომანების ოქროს ხანაში გვაბრუნებენ.

5. Eyes on the Prize III: We Who Believe in Freedom Cannot Rest

გაუმარჯოს HBO-ს, რომელმაც 6-ეპიზოდიანი დოკუსერიალით იპოვა გზა გაეგრძელებინა ამბის თხრობა: ადამიანის უფლებებზე, პოზიტიურ დისკრიმინაციაზე, სამართლიანობასა და მილიონ მონაწილიან მარშზე. მაგრამ რადგან ტრამპის რეჟიმი წყალში ყრის ყველა ამ მონაპოვარს, HBO-ს ალბათ მეტად უნდა ეზრუნა სერიალის პოპულარიზაციაზე.

6. North Of North

სერიალი პირდაპირ არქტიკის გულიდან, რომელიც თქვენი სულის იმ ჩამქრალ ნაპერწკლებს გაათბობს, რომელსაც თანამედროვე სტრესული ცხოვრება გამუდმებით ყინავს. ჩრდილოეთის ჩრდილოეთი ცოტათი Northern exposure-ს, Schitt’s Creek-სა და Reservation Dogs-ს მოგაგონებთ, თუმცა საბოლოოდ ეს სერიალი ყველაფრისგან განსხვავებულია, რაც აქამდე გინახავთ.

7. Pee-wee as Himself

მილიონობით ადამიანმა იცის პი ვი ჰერმანის შესახებ, თუმცა ამ დოკუმენტურ სერიალში პოლ რუბენსს თავისი ისტორიის ის მხარე აქვს მოსაყოლი, რომელსაც აქამდე გამოგონილ პერსონაჟში მალავდა. მატ ვულფი ცდილობს დაგვანახოს კომიკოსი, რომელსაც არ სურდა მისი რეალური "მე"-ს გამომჟღავნება. ეს სერიალი რუბენსის შესახებ ბევრ რამეს გაგაგებინებთ.

8. The Pitt

Max-ის სამედიცინო დრამას არ აქვს პრეტენზია იმაზე, რომ თავის ჟანრში განსაკუთრებული იყოს. თუმცა მისი შემქმნელი სკოტ გემილი, აწ უკვე ნაცნობ იდეებს დამაჯერებლად გვიჩვენებს, რაც შოუს გასართობს და სასიამოვნო სანახავს ხდის. ნოა ვაილის სამსახიობო ოსტატობა კი დამატებით კომპლექსურობას და სიღრმეს სძენს მთავარ პერსონაჟს, რითაც გამოიხატება სერიალის ამბივალენტური დამოკიდებულება ჯანდაცვის სისტემის მიმართ.

9. The Rehearsal

ნათან ფიდლერის რეპეტიციის მეორე სეზონი კიდევ უფრო უცნაურია ვიდრე პირველი გახლდათ, რომლის სტილსაც წესიერად სახელსაც ვერ დავარქმევდით. ეს იყო რაღაც, რაც კომედიას, დოკუმენტალისტიკასა და ექსპერიმენტს შორის მერყეობდა. ასევე ის უცნაური, დროული დამთხვევა, რომ მთავარი პერსონაჟი ავიაკატასტროფების შეჩერებას ცდილობს ამტკიცებს იმ თეორიას, რომ ჩვენ ყველანი ფიდლერის ერთ-ერთ უცნაურ სიმულაციაში ვცხოვრობთ.

10. The Studio

კარგი სატირა კინოინდუსტრიაზე ათასში ერთია. სეტ როგანისა და ეფლის ამ კომედიაშიც ნახავთ: მოგებაზე დახარბებულ, იდეებისგან გამოწურულ კინოწარმოებას, ძუნწ პროდიუსერებსა და წყობიდან გამოსულ რეჟისორებს. თუმცა სტუდია ამის ჩვენებას ბევრად უფრო ორიგინალურად და ორგანულად ახერხებს, ის პირდაპირ გადაგისვრით ახალი ჰოლივუდის სტუდიებში, თავისი დაუმთავრებელი ისტერიითა და კრიზისებით.

ასევე ნახეთ:

• 3 მიზეზი, რატომ უნდა ნახონ მშობლებმა ახალი სერიალი Adolescence — ფსიქოლოგის აზრით
• ყველა დროის საუკეთესო ანიმე, რომელიც ძალიან ცოტამ იცის
• The Summer I Turned Pretty-ის ახალ სეზონამდე 1 თვე რჩება — რა ვიცით
• Ginny & Georgia-ს მე-4 სეზონის გადაღება დამტკიცდა — ყველაფერი, რაც უნდა ვიცოდეთ