საქართველოს საგარეო საქმეთა სამინისტროს თანამშრომელი, მარიამ მაისაია, სამსახურიდან გაათავისუფლეს. ის სამინისტროში 1997 წლიდან მუშაობდა და იმ თანამშრომლებს შორისაა, რომლებმაც მტკიცედ დაუჭირეს მხარი საქართველოს ევროინტეგრაციას მას შემდეგ, რაც ირაკლი კობახიძემ 28 ნოემბერს გამართულ ბრიფინგზე საქართველოს ევროკავშირში ინტეგრაციის პროცესის 5 წლით შეჩერების შესახებ განაცხადა.

მარიამ მაისაიამ გათავისუფლების შესახებ ფეისბუკ პოსტი გამოაქვეყნა, სადაც ის გვიზიარებს მის ხედვას საქართველოს ევროკავშირში გაწევრიანებისთვის საჭირო დამოკიდებულებებზე:

“აი, ხომ შეიძლება შეურაცხყოფილად ვგრძნობდე თავს, ან დამცირებულად.. არა და არ მოვიდა რომელიმე ეს გრძნობა.. ან არადა ორ კვირაზე მეტი კი გავიდა ამასობაში.. პირიქით, თავი ძალიან მაგარი და ღირსეული მგონია. უბრალოდ, “ხვალ” არ ვიცი რას ვაკეთებ და რა მელის და ეს ცოტათი მიფუჭებს ამ განწყობას.

ჰო, ვინც არ იცით, სამსახურიდან გამაგდეს 1 აგვისტოდან, თუ მაგდებენ.. ნუ როგორც არის.

1997 წლიდან, საგარეო საქმეთა სამინისტრო იყო ჩემი სამსახური სხვადასხვა მისიებით, მაგრამ ერთი მიზნისკენ, რისი ხმამაღლა გაჟღერებისთვის და კიდევ ერთხელ დადასტურებისთვის დამსაჯეს დიდებულად.

ჰოდა სანამ არკვევენ, მე დიფსთეითის მორჩილი ვარ, გლობალური ომის პარტიის წევრი, თუ სხვა რომელიმე მსგავსი გარე ძალის მიერ მართული, ჩემი, ერთწევრიანი, პოლიტიკური პარტიის ხედვას გაგიზიარებთ:

რაც აქ ვარ, ქართველთან - ჩამოსულთან თუ აქ მყოფთან - როცა ვსაუბრობ, ყველა ერთად ვთანხმდებით თუ როგორი მაგარი ქვეყანაა შვეიცარია, როგორ ჰგავს ამ ორი ქვეყნის ულამაზესი ბუნება ერთმანეთს და როგორ თავისუფლად შეიძლება ჩვენც გვქონდეს ასეთი ქვეყანა.. კი, ნამდვილად შესაძლებელია, მაგრამ ამას ვერც დასჯილი, ვერც მორჩილი, ვერც დაბოღმილი, ვერც მოძალადე, ვერც შეშინებული, ვერც დათრგუნული და ვერც გულგრილი ხალხი ვერ გააკეთებს. ასეთ საზოგადოებად და სახელმწიფოდ ჩამოყალიბებას სხვა ენერგია სჭირდება - პოზიტიური, ლაღი, გაბედული და თავისუფალი.. ჰოდა დაველოდოთ უკეთეს დროს, ღმერთის იმედად.”


მაია მაისაიას მსგავსად, პოლიტიკური შეხედულებების გამო უამრავი ადამიანი გაათავისუფლეს სამსახურიდან. ამ პროცესს კიდევ უფრო ამარტივებს კანონი "საჯარო სამსახურის შესახებ“, რომელიც დაჩქარებული წესით, მიღებიდან 2 დღეში დამტკიცდა 2024 წლის 29 დეკემბერს და მიხეილ ყაველაშვილის მიერ იქნა ხელმოწერილი.

ასევე იხილეთ: