"გაეთრიეთ, როგორ მომაბეზრეთ თავი. ერთი და იგივეს მეუბნებით", — ასე მიმართა ქუთაის-გაენათის ეპარქიის წინამძღოლმა, მეუფე იოანემ მთავარი არხის ჟურნალისტს, რომელმაც მას გელათის ტაძარში არსებულ ვითარებაზე ჰკითხა.

"მართლადიდებლები რომ არ ვიყოთ, დაგორებული იქნებოდი. უზრდელი ხარ", — ასე კი მედიის წარმომადგენელს მრევლმა მიმართა.

ერთ-ერთმა სასულიერო პირმა კი მას თავხედი უწოდა.

გელათის ტაძარში ფრესკების კვლავ დაზიანების შესახებ ინფორმაცია მიმდინარე წლის ივლისში გავრცელდა. ტაძარზე სარეკონსტრუქციო სამუშაოები, დაახლოებით, ორი წლი წინ დაიწყო. თუმცა, დაზიანებები კულტურული მემკვიდრეობის ძეგლზე ისევაა. კერძოდ, ცვივა ბათქაშისა და ფრესკების თეთრი ნაწილები.