დაავადებათა კონტროლის ცენტრის დირექტორის, ამირან გამყრელიძის განცხადებით, მოწოდებები პრევენციულ ღონისძიებებზე, პირბადის ტარებასა და დისტანციაზე მისი ნოუ ჰაუ არ არის. ამის დასამტკიცებლად, მან ბრიფინგზე ამერიკის ალერგიისა და ინფექციურ დაავადებათა ეროვნულ-ნაციონალური ინსტიტუტის დირექტორის, ენტონი ფაუჩის რეკომენდაციების სია მიიტანა.

"გუშინწინდელი მისი რეკომენდაციები, რომელსაც ის აძლევს ამერიკის მთავრობას და მთლიანად საზოგადოებას. 5 მთავარი გზავნილი ფაუჩისგან, რომელიც პანდემიის პირობებში უნდა გავითვალისწინოთ.

  1. უნივერსალური ტარება პირბადეების, რასაც ხშირად ვამბობთ. გეცინებათ ახლა თქვენ. დახურულ შენობებში მანდატორულად, ღია სივრცეებში სასურველია, რომ გვეკეთოს, დისტანციას, როცა ვერ ვიცავთ.
  2. მაქსიმალურად ფიზიკური დისტანციის დაცვა ერთმანეთთან, მეტრი, მეტრნახევარი, კარგია ორი მეტრი. გეცინებათ მესმის.
  3. თავის არიდება დიდი თავშეყრებისას, პანდემიის პირობებში ყველანაირი რიტუალური ღონისძიებების.
  4. ყველა დაშვებული თავშეყრის ჩატარება ღია სივრცეში და არა შიგნით.
  5. ხელების ხშირად დაბანა.

ვიცი ახლა გულში ამბობთ, რომ რას გვეუბნება, რა ზღაპრებს გვიყვება, ეს ყველაფერი ხომ ვიცით, მაგრამ გარწმუნებთ, რომ თუ ყველა ამ 5... ეს არ არის ახალი ველოსიპედი, რასაც ჩვენი დიდად პატივსაცემი ადამიანი გვეუბნება არა, ამას ვიმეორებთ ჩვენც და ეს არის საერთაშორისო გამოცდილება, რომ პირბადე დღეს არის ნომერ პირველი დაცვის საშუალება", — განაცხადა გამყრელიძემ.