112-ის სამსახურს თანამშრომლები ემატება. ამის შესახებ დაავადებათა კონტროლის ეროვნული ცენტრის ხელმძღვანელმა, ამირან გამყრელიძემ საკოორდინაციო საბჭოს ბრიფინგზე ისაუბრა.

"ყოველ დილას ვაკონტროლებ, ცხელი ხაზის რამდენი ზარია ჩავარდნილი და ამაზე შესაბამისი რეაქცია არის, ხოლმე, იმიტომ, რომ ყველა უპასუხო ზარი გახლავთ ჩავარდნილი ზარი, რომ ადამიანს ჩვენ დროულად ვერ დავეხმარეთ", — განაცხადა ამირან გამყრელიძემ.

გამყრელიძის თქმით, ძლიერდება ადამიანური რესურსები ყველა მიმართულებით, მათ შორის თბილისში დაავადებათა კონტროლის ცენტრს, რომელსაც ჰყავდა, დაახლოებით, 30 ეპიდემიოლოგი, ერთი ამდენი კიდევ ემატება.