ლელოს ქუთაისის მაჟორიტარი დეპუტატობის კანდიდატის, ანა ნაცვლიშვილის განცხადებით, მათი შტაბის წევრს თავს დაესხნენ. მისი თქმით, მას თვალი აქვს დაზიანებული და ხელშია დაჭრილი. ნაცვლიშვილი შემთხვევის დაუყოვნებლივ გამოძიებასა და ქართული ოცნების ადგილობრივი ლიდერების მხრიდან პოლიტიკურ შეფასებას ითხოვს.

"თავდასხმას, ასევე, მოჰყვა უწმაწური სიტყვები ლელოსა და ჩვენი შტაბის მისამართით. ჩემი ინფორმაციით რამდენიმე ადამიანი არის დაკავებული და მიმდინარეობს მათი დაკითხვა. ეს პოლიტიკურად მოტივირებული ჯგუფური დანაშაული იყო. შემთხვევა ცენტრალურ რუსთაველის ქუჩაზე მოხდა, ამიტომ ამოიღონ ვიდეო ჩანაწერები და დროულად გამოავლინონ დამნაშავეები", — განაცხადა ანა ნაცვლიშვილმა.

შინაგან საქმეთა სამინისტროში On.ge-ს განუცხადეს საქმეზე გამოძიება სისხლის სამართლის კოდექსის126-ე მუხლის პირველი ნაწილით დაიწყო, რაც ცემას გულისხმობს.