ფანის მიერ Unreal Engine 4-ის გამოყენებით შექმნილი Among Us-ის 3D რენდერმა ინტერნეტი მოიცვა და შედეგები ნამდვილად გასაოცარია. თვითონ Among Us ფერადი ორგანზომილებიანი თამაშია, რომელშიც მოთამაშეები ერთად მოქმედებენ, რათა დავალებები შეასრულონ და გამოიცნონ, მათგან რომელია თვითმარქვია. თვითმარქვია კი ამასობაში გუნდის საწინააღმდეგოდ მოქმედებს და ცდილობს, ცალ-ცალკე დახოცოს თანაგუნდელები — რაც იმაზე უფრო სახალისოა, ვიდრე ჟღერს.

თამაშის ბოლოდროინდელი პოპულარობიდან გამომდინარე რედიტის მომხმარებელმა iambackit გადაწყვიტა, Among Us-ის სამგანზომილებიანი ვერსია შეექმნა. რედიტორმა დაპოსტა ვიდეო, რომელშიც თამაშის პირველი რუკის 3D ვერსიაა ნაჩვენები:

I Turned Among Us 3D! from r/AmongUs

მსგავსი რენდერინგის გაკეთებას ძალიან ბევრი დრო სჭირდება, თანაც როდესაც ამას მარტო აკეთებ და ზურგს სტუდიის კაპიტალი ან გუნდი არ გიმაგრებს. სწორედ ამ ტიპის დროის ინვესტიცია და საქმისადმი თავდადება — უნარ-ჩვევებს რომ თავი დავანებოთ — აჩვენებს, რამდენად ნიჭიერი ხალხია გეიმინგ საზოგადოებაში და რამდენად უყვართ მათ ეს სფერო.

თამაში ანდროიდისა და iOS-ის მომხმარებლებისთვის უფასოა (თუმცა თან ახლავს რეკლამები), პერსონალური კომპიუტერისთვის კი მოთამაშეებს თამაშის შეძენა Steam-ზე შეუძლიათ $4.99-ად.