წალენჯიხის, ჩხოროწყუს, აბაშისა და მარტვილის საარჩევნო ოლქის ლელოს კანდიდატმა, თამარ ბელქანიამ და ალექსანდრე ახვლედიანმა ბრიფინგი გამართეს, სადაც ბელქანიას პრემსდივან დიმა კვარაცხელიაზე ზეწოლაზე ისაუბრეს.

მათი თქმით, გულბაათ ქარდავა, რომელიც დასუფთავებაში მუშაობს, დიმა კვარაცხელიას დაემუქრა და სიტყვიერი შეურაცხყოფა მიაყენა. ლელოში აღნიშნეს, რომ ქარდავას რაიონში ზონდერის სახელით იცნობენ.

"არ გვაქვს განცდა, რომ ჩემი პრესმდივანი არის დაცული და მას არ ეძლევა საშუალება პროფესიული საქმიანობა თავისუფლად განაგრძოს. იმის ნაცვლად, რომ მოხდეს ხელშეწყობა, პირიქით, ხდება მუქარა და არ გვეძლევა საშუალება წინასაარჩევნო კამპანია ვაწარმოოთ. თუ აღნიშნული ფაქტი სწრაფად არ იქნა გამოძიებული, დიმა კვარაცხელია აუცილებლად შეიტანს სარჩელს გულბაათ ქარდავას წინააღმდეგ", — განაცხადა თამარ ბელქანიამ.

ასევე, ბელქანიამ აღნიშნა, რომ დიმა კვარაცხელია არის ჟურნალისტი და ხდება მისი, როგორც პროფესიონალის დისკრედიტაცია. მისი განცხადებით, თუ ეს მუქარა მოქმედ ხელისუფლებას გაუვიდა, არცერთ ჟურნალისტს არ ექნება იმის განცდა, რომ ის ობიექტურად შეძლებს პროცესების გაშუქებას.

On.ge აღნიშნულთან დაკავშირებით შინაგან საქმეთა სამინისტროს პასუხს მიღებისთანავე შემოგთავაზებთ.