ევროპული საქართველოს ქუთაისის მაჟორიტარობის კანდიდატი, ოთარ კახიძე, აზერბაიჯანელი ჟურნალისტის, აფგან მუხთარლის საქართველოში ჩამოსვლასთან დაკავშირებით შექმნილ პრობლემებს ეხმაურება.

კახიძის თქმით, აფგან მუხთარლი ხელისუფლების უშუალო ჩართულობით გაიტაცეს თბილისის ცენტრიდან და გააქრეს მტკიცებულებები, რომლებიც ამ ფაქტს ადასტურებდა. კახიძე ამბობს, რომ მუხთარლი საქართველოში არ შემოუშვეს და ესეც ამ ხაზის გაგრძელებაა.

"აფგან მუხთარლი საქართველოს ხელისუფლების უშუალო ჩართულობით გაიტაცეს თბილისის ცენტრიდან, შემდგომ გაანადგურეს მტკიცებულებები, რომლებიც ადასტურებდა მის გატაცებას და არ შექმნეს საგამოძიებო კომისია, რომელსაც ჩვენ ვითხოვდით.

რა თქმა უნდა, მისი არშემოშვებაც იგივე ხაზის გაგრძელებაა, მაგრამ, მე მინდა ვუთხრა მთელ საზოგადოებას, რომ ივანიშვილის ხელისუფლების დასრულების შემდგომ, 31 ოქტომბრის მერე, ყველა ამ ბურუსით მოცულ საქმეს ნათელი მოეფინება, როდესაც ობიექტური გამოძიება ნათელ სურათს დაადგენს. მანამდე კი, ასეთ უთავმოყვარეო ზეიმში არის ჩვენი ქვეყანა, როდესაც ჟურნალისტებს დედაქალაქის ცენტრიდან იტაცებენ და საზღვარზე გადაყავთ ტომარაჩამოცმული, ეს ყველაფერი ცვლილებებთან ერთად დასრულდება", — აცხადებს კახიძე.