ევროპული საქართველოს მაჟორიტარი დეპუტატობის კანდიდატი რუსთავსა და გარდაბანში, ირმა ნადირაშილი, რუსთავში, ჭყონდიდელის დასახლებაში მოსახლეობას შეხვდა.

ნადირაშვილის თქმით, წვიმის დროს იტბორება ქუჩები და კორპუსები, რაც ადგილობრივებს უზღუდავს გადაადგილების საშუალებას. როგორც მაღორიტარობის კანდიდატი ამბობს, მიუხედავად მოსახლეობის მრავალი მოთხოვნისა, ადგილობრივი ხელისუფლება მათ ყურადღებას არ აქცევს.

"მძიმე ვითარებაა წვიმის შემდეგ თითქმის ყველა ქუჩაზე ჭყონდიდელის დასახლებაში. მოსახლეობა, რომელიც ცდილობს, რომ ეს პრობლემა მოაგვაროს, არაერთგზის მიმართეს მერიას, თუმცა სამწუხაროდ მათ პატრონი არ ჰყავთ.

წვიმიდან-წვიმამდე ეს ხალხი არის ძალიან მძიმე დღეში, ბავშვებს გარეთ ვერ უშვებენ, გუბეები დგება, ეზოები ივსება წყლით, სამწუხაროდ, ჭყონდიდელის დასახლება არის ერთერთი ისეთი დასახლება, სადაც ადამიანებს აქვთ მძიმე სოციალური პირობები და ეს არის ჩვეულებრივად, უპატრონოდ მიტოვებული ადამიანები. ამიტომ საჭიროა გარდამტეხი ცვლილებები და ბიძინა ივანიშვილის შეცვლა", — განაცხადა ნადირაშვილმა.