ამერიკულ-ქართული განათლების ცენტრის ორგანიზებით და ესპანურ IE University-სა და რუმინულ Babeş-Bolyai University-სთან თანამშრომლობით 2020 წლის 10 ოქტომბერს, 12:00-დან 18:00 საათამდე გაიმართება განათლების საერთაშორისო ვირტუალური გამოფენა, რომელიც უმასპინძლებს 22 უნივერსიტეტს 13 ქვეყნიდან. ყველა დაინტერესებულ პირს გამოფენაზე შეეძლება მიიღოს ამომწურავი ინფორმაცია უნივერსიტეტისა და მისი პროგრამების შესახებ. მათ შეეძლებათ პირადად დაუკავშირდნენ უნივერსიტეტის წარმომადგენლებს და დაუსვან მათთვის საინტერესო კითხვები.

განათლების ვირტუალური გამოფენაში მონაწილეობის მისაღებად საჭიროა გაიაროთ რეგისტრაცია შემდეგ ბმულზე.

ესექსის უნივერსიტეტი გახლავთ სახელმწიფო კვლევითი უნივერსიტეტი, რომელიც მდებარეობს ინგლისის ერთ-ერთი უძველეს ქალაქ კოლჩესტერში, ესექსში (სამხრეთ-აღმოსავლეთ ინგლისი). უნივერსიტეტი 1963 წელს დაარსდა და პირველი სტუდენტები დაარსებიდან მეორე წელს მიიღო. არსებობის მანძილზე უნივერსიტეტი 100 000 სტუდენტზე მეტმა დაამთავრა 140 სხვადასხვა ქვეყნიდან.

ფოტო: LOGOS

ესექსის უნივერსიტეტი სტუდენტებს სთავაზობს საბაკალავრო პროგრამებს 53 სხვადასხვა მიმართულებით ისეთ სფეროებში, როგორიცაა: ფინანსები და აღრიცხვა, სამსახიობო ფაკულტეტი და სცენის მენეჯმენტი, კრიმინოლოგია, გენეტიკა, ტურიზმი და ღონისძიებების მენეჯმენტი, სამართალი და სხვა.

ესექსში, ასევე, შეგიძლიათ გაიაროთ კომბინირებული საბაკალავრო და სამაგისტრო კურსი. მის ფარგლებში სტუდენტი სწავლობს 3 წელი ბაკალავრიატზე, ხოლო 1 წელი მაგისტრატურაზე და უნივერსიტეტის დამთავრებისას იღებს ორივე ხარისხს.

ესექსის უნივერსიტეტში შესაძლებელია მიიღოთ მაგისტრის ხარისხი თითქმის ყველა იმ მიმართულებით, რომელიც ისწავლება საბაკალავრო დონეზე. გამონაკლისია ტურიზმის მართვა.

უნივერსიტეტში ასევე ისწავლება 68 კურსი სრულიად დისტანციურად.

საბაკალავრო პროგრამის წლიური საფასური £16,050 დან £18,730 - მდე მერყეობს.

თქვენ გაქვთ შესაძლებლობა პირადად შეხვდეთ ესექსის უნივერსიტეტის წარმომადგენელს განათლების საერთაშორისო ვირტუალურ გამოფენაზე 10 ოქტომბერს, 12 საათიდან 18 საათამდე.