სატელევიზიო შოუების მოყვარულები წელს მოუთმენლად ელიან ნეტფლიქსის გახმაურებული სერიალის გვირგვინი (The Crown) მეოთხე სეზონს, რომელშიც გაცოცხლებული ბრიტანეთის სამეფო ოჯახის ისტორია კულმინაციას უახლოვდება — ეკრანებზე პრინცესა დაიანას ვიხილავთ.

ამ უმნიშვნელოვანესი ისტორიული ფიგურის როლს ახალგაზრდა მსახიობი ემა კორინი ასრულებს. ლედი დის ამპლუაში მისი პირველი კადრები უკვე გავრცელდა და უნდა აღინიშნოს, რომ ვიზუალური მსგავსება ნამდვილად გასაოცარია.

The Crown

ფოტო: Netflix

24 წლის მსახიობმა ყველა დეტალის გათვალისწინებით, იქნება ეს ვარცხნილობა თუ ჩაცმულობის სტილი, მოირგო დაიანას სტილი.

ფოტო: Netflix

თუ ამაში დარწმუნებული არ ხართ, საკმარისია სპეციალურად სერიალისთვის აღდგენილი პრინცესა დაიანას საქორწინო კაბა იხილოთ.

დიახ, ის ნამდვილად თვალისმომჭრელია.

ფოტო: Netflix

აი, ორიგინალი კაბა ასე გამოიყურებოდა.

ფოტო: Fox Photos / Getty Images

როგორც სერიალის კოსტიუმების დიზაინერმა ემი რობერტსმა განაცხადა, მას არ სურდა, ზუსტად იგივე კაბა შეექმნა, რომელიც დიზაინერებმა დევიდ და ელიზაბეტ ემანუელებმა შეუკერეს პრინცესას, თუმცა უნდოდა, რომ "იგივე განწყობა და სტილი" შეენარჩუნებინა.

ფოტო: Anwar Hussein

მსახიობმა ემა კორინმა ინტერვიუში გადასაღებ მოედანზე მიღებულ გამოცდილებაზე ისაუბრა:

"როცა საქორწინო კაბაში გამოწყობილი გამოვედი, ყველა მოულოდნელად დადუმდა. გადაღებების განმავლობაში რაც კი მეცვა, ეს სამოსი ყველაზე მეტად გამოხატავდა მას [პრინცესა დაიანას].

მისივე თქმით, კაბის სიდიდის გამო ჩაცმისას ათამდე ადამიანი ეხმარებოდა.

კადრი გვირგვინის მეოთხე სეზონიდან: პრინცესა დაიანა და პრინცი ჩარლზი.

ფოტო: Netflix

სერიალის მეოთხე სეზონის პრემიერა 15 ნოემბერსაა დაგეგმილი და ჩვენც სწორედ მაშინ შეგვეძლება შევაფასოთ ემა კორინის სამსახიობო შესრულება. მანამდე კი შეგიძლიათ ახალი სეზონის ტრეილერი იხილოთ, რომელშიც პრინცესა დაიანასთან ერთად მარგარეტ ტეტჩერიც ჩნდება.